Idea ta organisa Workshop Silver Entrepreneurship Workshop

ORAJESTAD - IDEA (Desaroyo pa Empresa Arubano) un unidad di Departamento di Asuntonan Economico, Comercio y Industria, ta organisando un tayer hopi interesante pa tur persona cu tin hopi energia incluyendo pensionado y cu ta desea pa sigi uza nan carera y experiencia di bida den nan mes un negoshi.

Tema di e workshop ta:“For the retired or soon to be retired” y lo present’e na Papiamento.

E workshop aki lo duna algun tips of contestanan ariba algun preguntanan cu hopi biaha un persona sa puntra su mes ora cu e ta yegando su bunita edad di pensioen manera:

  • kico pa bay haci awo of con pa bay sigui awo of
  • kisas ta bezig cu un negoshi of hobby y banda di esaki kier sigui desaroya su mes cu tecnologia y innovacion.

Diferente profesional den diferente ramo lo duna e tayer aki.

E dianan aki e siguiente oradornan lo yuda tur presente brainstorm nan ideanan y haci nan ideanan bira realidad:

  • Sr. Dave Martinus, Certified Business Coach pa ActionCOACH, y lo presenta ‘Kico ta encera entrepreneurship’;
  • Sr. Marc Croes, Policy Advisor Sustainable Development Planning na Departamento di Asuntonan Economico; y lo elabora ‘Con pa aplica e tema sostenibilidad den bo negoshi’;
  • Notaris Johnson; lo presenta temanan di: bedrijfsvormen (eenmanszaak/ NV/ VBA), bedrijfsopvolgingen (diferencia den companianan) ora cu bo lo kier cuminsa un negoshi y tambe lo presenta tocante testamenten/ nalatenschap (kico por laga atras y pa ken);
  • DEZHI, afdeling di Vestiging van Bedrijven lo papia di tur e tipo di vestigingsvergunningen (permisonan pa establece un negoshi) cu tin y cu bo lo por aplica na e departamento aki y IDEA, lo papia tocante tur nan servicio- y trainingnan/ curso cu nan sa ofrece na cliente;
  • Sr. Benny Richardson, lo papia y mustra e importancia pa ta exitoso den bo bida personal door di biba un bida saludabel (come saludabel y haci deporte). Tur esaki ta bo mindset pa ta un entrepreneur exitoso!;
  • Sr. Kenneth Faustin, broker na Best Buy Aruba y un Certified Auctioneer, lo papia tocante oportunidad comercial den ‘Real Estate’;
  • SVB, lo presenta tocante wergevers- en werknemers verzekering (primanan social); 
  • Sra. Tamarah Arends-Croes, Business Electronic Sales Specialist na RBC Bank, lo elabora riba nan procedura pa habri un account y e producto/ servicionan innovativo cu RBC ta ofrece;
  • Futura, lo presenta 2 topico:  ‘Future of Work’ y ‘Design Thinking’ special pa pensionadonan;
  • Santa Rosa, con bo por haci di agricultura bira comercial;
  • Sra. Cindy Clark, Managing Director di Accura Tax Consultancy, lo elabora tocante impuesto relevante pa un entrepreneur;
  • SETAR, lo elabora tocante e importancia di ‘Digital Marketing’. Lo duna tips efectivo con pa promove bo negoshi via social media manera Facebook, Instagram, Google Search. Y lo papia tambe tocante Direct Email;

Lo tin intercambio di experiencia di:

  • Sr. Lionel Rumnit, kende ta specialisa como Job Coach na ‘Trampolin pa Trabao’, y lo conta, con e ta train e personanan cu disabilidad pa den futuro por dentra den mercado laboral den nos sociedad;
  • Sra. Rosa Alberto, propietario di Ginger Aruba Rosken, kende a cuminsa su negoshi ora e la drenta su edad di pensioen;
  • Sr. Loui Richardson propietario di Invest Secure; con pa continua cu bo negoshi ora bo yega bo edad di pension;
  • Sr. Merrill Robles (un pensionado), con e ta yuda comunidad pa medio di un negoshi y pafor di un negoshi. 

E tayernan aki lo ta completamente gratis y tuma lugar dianan 10 pa 14 juni venidero, entre 8:15 a.m. pa 12:30 p.m na Departamento di Asuntonan Economico, Comercio y Industria. na Sun Plaza, di dos piso, sala # 25, di 8.15 am pa 12.30 pm.

Personanan cu ta desea di participa (preferibel henter siman) den e workshop aki, por registra via e siguiente link aki bao:

https://www.eventbrite.com/e/silver-entrepreneurship-workshop-for-the-retired-or-soon-to-be-retired-tickets-62437630634

Of por yama pa mas informacion na IDEA, sra. Judella Trim of sra. Louella Croes na telefon #: 521-2440/521-2439/ 521-2400.