Entrante 4 di december, 2019 ta cuminsa acepta pago di impuesto di vehiculo di motor 2019

ORANJESTAD – Diamars awor, 4 di december, Departamento di Impuesto ta cuminsa acepta pago di impuesto di vehiculo di motor di aña 2019.

E clientenan cu tin un number di e categorianan A, TX, DT, B, O, MFA of V por scoge pa paga e impuesto den un of dos biaha. Por lo menos e prome mita di e impuesto pa tur categoria mester ta paga no mas laat cu dia 31 di januari 2019. E clientenan cu tin number personalisa y e motociclistanan mester paga e impuesto di 2019 den un solo biaha.

E clientenan cu ta paga via banco mester menciona:

  • e nomber complete;
  • persoonsnummer;
  • e number di e plachi (p.e. A-82000);
  • periodo di pago.

E suma total mester inclui e suma di impuesto y e suma di gasto di plachi.

Ta importante pa menciona cu e tarifa di impuesto 2019 a keda mescos. Ta bon pa tene na cuenta cu no ta posibel pa paga e impuesto di aña 2019 si no a paga e impuesto di e aña(nan) anterior.

Finalmente Departamento di Impuesto ta recorda cu pa 2019 lo reintroduci e plachinan di number y lo no uza e “controle sticker” mas. E gastonan lo ta Afl. 12 pa e plachinan grandi y Afl 8 pa e plachinan chikito. Si ta paga e prome mita di aña, mester paga Afl. 12 pa e plachinan. Si ta paga full aña e gasto total di e plachinan ta Afl. 20.

Actualmente e plachinan di number no ta disponibel. Lo anuncia na comienso di aña 2019 ki momento por pasa busca esakinan.