Dia di informacion pa e futuro studiantenan na Universidad di Aruba

ORANJESTAD - Universidad di Aruba ta invita tur studiante di Colegio Arubano, International School of Aruba,avond HAVO/VWO, EPI y di tur esnan cu ta interesa pa inicia un estudio di enseñansa avansa na Aruba, pa asisti na e mainta di informacion cu ta tuma luga Diasabra 6 di april 2019 di 9:00 A.M. pa 1:00 P.M.

Riba e dia aki lo duna informacion di e Facultad di Derecho (Faculteit der Rechtsgeleerdheid - FdR), Facultad Financiero Economico (Financieel Economische Faculteit - FEF), Facultad di Turismo y Maneho (Faculty of Hospitality and Tourism Management Studies – FHTMS) y Facultad di Arte y Ciencia (Faculty of Arts & Science - FAS) y SISSTEM cual ta nos programa nobo cu lo cuminsa e aña academico aki na augustus 2019.

Studiantenan Universidad di ArubaTambe riba e dia aki tur studiante cu ta interesa pa studia na Universidad di Aruba, e proximo aña academico tin oportunidad tambe pa haya informacion general y lo tin oportunidad pa papia cu studiante y docente nan di e facultad nan.

Tin cuater facultad cu 11 programma y un aña di preparacion (Academic Foundation Year). Nos programma mas nobo ta SISSTEM (Sustainable Island solutions through science, technology, Engineering and Mathematics). E estudio aki lo ta den cooperacion cu KU Leuven (Belgica), University of the West Indies (Jamaica) y Oregon University (USA). Un isla cu tin un solucion sostenibel por medio di ciencia, technologia, engeneria y matematica lo incorpora polisa nan sostenibel riba un nivel academico. Asina por duna sosten na tur luga nan chikito y na mesun momento educa e sector laboral cu tin e capacidad y abilidad pa haci e polisa nan aki un realidad.

Graduadonan di scol secundario y otro interesado tin e oportunidad pa por aplica y asina sigui un estudio pa obtene un titulo na nivel di ‘Bachelor’ of ‘Master’.

Invitacion dia di informacion pa e futuro studiantenan na Universidad di ArubaUniversidad di Aruba tin un relacion estrecho y bon cu diferente Universidad/Hogeschool Hulandes, Universidad Mericano y cu otro universidad acredita den region.

Como studiante di Universidad di Aruba no solamente bo por haci un programa di intercambio pero tambe bo por haci bo pasantia (stage) afo. Pa esaki tambe nos tin acuerdo cu Universidadnan di Hulanda y Merca pa yuda supervisa y guia nos studiante nan cu opta pa haci esaki.

E convenionnan cu Universidad di Aruba ta cera cu universidad reconoci mundialmente ta na bienestar di tur nos studiantenan.

Universidad di Aruba kier a invita un y tur cu ta interesa pa pasa e mainta aki pa haya tur informacion necesario p’asina por haci un bon escogencia pa nan futuro. Mayor cu tin yiu na scol secundario tambe ta bon bini pa haya sa mas tocante e estudio cu nan yiu ta desea di sigui y asina por yud’e scohe e pakete adecuado na scol secundario. Un bon pakete lo facilita admision na un di e facultadnan mas lihe. E mainta aki lo duna  hopi informacion valioso. Pesey mes ta importante pa atende e dia aki p’asina por tuma un decision corecto tocante bo futuro! Pa mas informashon por jama: 526-2200 of manda un email na osa@ua.aw of bishita website Universidad di Aruba www.ua.aw, Facebook of Instagram.

PROGRAMA

9:30 a.m.

Porta ta habri

10:00 -11:00 a.m.

Rond 1 di presentation di tur programa cu ta wordo ofreci na Universidad di Aruba

Y nos lo tin un session pa mayor den e garden room. 

11:00 – 11:45 a.m.

Pauze

Oportunidad pa pasa na e booth di cada programma y cera conoci cu nos center for

life long learning y nos oficina di asuntonan international 

11:45 - 12:45

(ripiticion)

Rond 2 di presentation di tur programa cu ta wordo ofreci na Universidad di Aruba

Y oportunidad pa session pa mayor.