Departamento di Salud Publico ta informa: Accion di vacunacion contra Influenza

Dit item is gearchiveerd op 31-12-2018.

ORANJESTAD - Desde dialuna dia 17 di december e vacuna contra Influenza pa temporada 2018/2019 ta disponibel na seccion di Malesanan Contagioso di Departamento di Salud Publico. 

Vacuna di InfluenzaDiahuebs dia 20 di december lo bay tin un accion di vacunacion solamente pa e grupo di risico cu lo tuma lugar na ImSan for di 9:00-11:00 di mainta. Personanan riba 60 aña mester bin solamente cu nan carnet di AZV valido y e grupo di risico bou 60 aña mester bin cu nan carnet AZV valido y un recept di dokter.

Pa personanan cu no por cana bon, nos seccion lo duna e servicio di vacunacion den auto. Riba e dia aki y na e localidad aki lo no ta posibel pa cumpra vacuna. Por cumpra vacuna solamente na Departamento di Salud Publico di dialuna pa diabierna for di 7:45-11:45 y di 1:15-3:30.

Pa mas informacion por tuma contacto cu Departamento di Salud Publico na 5224200.