DEA a presenta PEN 2030 na stakeholdernan

Dit item is gearchiveerd op 17-05-2019.

ORANJESTAD - Diabierna dia 12 di april Departamento di Enseñansa Aruba tawata tin e honor pa presenta e Plan Educacion Nacional (PEN) 2030 na stakeholdernan di sector social, economico y di medio ambiente.

Na final di aña 2017 Minister di Enseñansa sr. dr. A.R. Lampe a encarga Departamento di Enseñansa

Aruba (DEA) cu e Plan Educacion Nacional: PEN 2030. Meta di e Nationaal Onderwijsplan “PEN 2030”

ta pa hunto cu tur stakeholder yega na un vision comun pa Educacion na Aruba.

Presentacion PEN 2030E proceso pa yega na e plan aki a encera consultanan cu diferente stakeholdernan, p’asina nan por a duna nan contribucion na e vision nobo pa Educacion na Aruba.

Tambe a organisa actividadnan pa intercambia pensamentonan tocante calidad, innovacion y best practices den Enseñansa.

Como punto di salida a uza e General Education Quality Analysis Diagnosis Framework (GEQAF), di UNESCO. Tambe a uza un analisis SWOT di e Nationaal Onderwijs Plan 2007-2017 y Enseñansa. Pa duna docentenan e oportunidad di vocifera nan opinion, a tene un encuesta digital. Na mes un manera comunidad tambe a contribui na yega na e vision di PEN 2030. A tene Expert analyses na diferente ocasion unda directivanan di scol, Inspectoria di Enseñansa hunto cu Departamento di Enseñansa a evalua e situacion actual di educacion y e rumbo cu nos kier tuma como pais. Durante e ronda di consulta pa cabesantenan di tur scol na Aruba, na nan turno a haya e oportunidad di vocifera nan puntonan di atencion pa Educacion y e elementonan cu nan lo kier den e vision pa Educacion 2030.

DPersonanan cu a atende presentacion PEN 2030urante e presentacion akinan a trece varios topico padilanti e.o. desaroyo di Enseñansa mundial y na Aruba, habilidad necesario, puntonan di atencion pa enseñansa y vision di Educacion 2030.
Ademas a toca e tema di e cuadro di calidad cu ta encera meta di desaroyo, resultadonan desea, procesonan primario, fuentenan nucleo y mecanismo di sosten.

Tambe a amplia tocante:

  • e resultadonan cu a bin di tur e actividadnan.
  • Kico ta e puntonan di bista cua bin dilanti di parti di e stakeholdernan interno y externo y e buraco cu tin y con pa yena esaki.
  • e mision, balornan, vision nobo, metanan strategico, puntonan clave di cada meta strategico y con lo bay di plan pa accion.
  • e situacion di Enseñansa actual y e situacion desea y con pa yega na esaki

Ministerio di Enseñansa y Departamento di Enseñansa Aruba kier a haci uzo di e oportunidad aki pa gradici tur stakeholder cu a contribui pa realisa PEN 2030.

Por haya mas informacion tocante PEN 30 den e documentonan adhunto.