Biento duro na Aruba

ORANJESTAD - Servicio Meteorologico ta emiti advertencia pa biento duro pa Aruba.

E advertencia lo ta efectivo te cu diaranson 12 di juni, 2019 pa 6’or di anochi. Diferencianan di presion den area di Caribe lo bay ta relativamente grandi durante proximo 2 pa 3 dia. Esaki lo pone biento tambe bira mas fuerte durante e lapso ey.

Un aviso pa boto chikito pa lama habri, especialmente pa areanan di costa Oost te Noordwest tambe ta na vigor y lo keda valido te diahuebs mainta 13 di juni te cu 6'or. Ta pidi ocupantenan di boto chikito pa bay cu cautela riba lama habri, especialmente na parti oost te noordwest di costa.