Ainda tin oportunidad pa inscribi pa e Curso “Empresario Prepara II”

Dit item is gearchiveerd op 26-05-2019.

ORANJESTAD - Departamento di Asuntonan Economico, Comercio y Industria/IDEA, ta informa cu ainda tin cupo disponibel pa e curso pa tur empresarionan cu kier siña maneha nan negoshi eficientemente. 

Riba 29 april proximo Iniciativa pa Desaroyo di Empresa Arubano (Idea) ta presenta su curso “Empresario Prepara II” cual ta wordo organisa dor di Departamento di Asuntonan Economico, Comercio y Industria.

Meta di e curso aki ta pa yuda nos clientenan con pa crea un cultura innovativo den nan negoshi, con pa diseña un website y sigui engrandece e nivel di informacion y strategia pa haci di nan negoshi uno exitoso, nan debernan cu e pago di impuesto y con pa maneha nan negoshi den un forma eficiente y manera debe ser.

E curso ta consisti di e siguiente topico nan:

  • Creating a culture of Innovation
  • Developing Brand Awareness for Customer Satisfaction (Branding & Website Design)
  • Small Business Tax
  • Leadership & Management

Empresario Prepara lo cuminsa dia 29 april 2019 y ta consisti di 19 les  (10 siman largo, dos biaha pa siman, teniendo cuenta cu e dianan liber den luna di mei). E curso lo termina 3 juli 2019. Horario ta 7.00 pm pa 9.15 pm y pa e lesnan lo tin un schedule cu lo mester tene cuenta cune. Localidad di curso ta ‘Departamento di Asuntonan Economico, Comercio Y industria’ situa na Sun Plaza Building, di dos piso.

Curso “Empresario Prepara II” ta costa Afl. 220,-.

Mester completa tur e fasenan pa por logra un certificado na final.

Criteria pa atende curso “Empresario Prepara II”:

  • Ta preferibel pa tin nivel di MAVO of equivalente. Diploma no ta necesario.
  • Mester tin conocemento di computer.
  • Conocemento basico di Papiamento, Hulandes y Ingles ta necesario.

Tin un par di cupo habri ainda pa participacion. No perde e oportunidad aki y registra mesora. E inscripcion lo keda habri te cu dialuna 29 di april 2019, te cu 12:00 di merdia, tanten cu tin cupo.

Pa informacion y inscripcion por yama oficina di ‘Idea’ na 521-2439/521-2440/521-2400 of pasa personalmente na Departamento di Asuntonan Economico, Comercio y Industria na Sun Plaza di 2 Piso, oficina no. 23.

Tambe por like ‘Idea’ su Facebook pagina: Idea-Aruba of via email: L.croes@arubaeconomicaffairs.aw pa mas informacion