35 detenido den KIA a termina diferente curso exitosamente

E cursonan duna ta inclui ⁠Marketing and Sales, Basiskennis Boekhouden y Small Business y ta basa riba deseo di e propio detenidonan. Inversion den infrastructura di KIA ta necesario, pero inversion den e detenidonan pa por reintegra exitosamente den sociedad, ta sumamente valioso. E certificadonan cu e detenidonan ta haya ta reconoci, y na momento cu nan sali for di KIA, nan tin un oportunidad real pa por haya un trabou.
Ministerio di Husticia lo continua cu e inversion den detenidonan y lo ofrece mas curso durante aña a traves di FEPA, Enseñansa pa Empleo y otro NGO's.

Minister di Husticia a gradici FEPA cu a organisa y brinda e cursonan aki, pero tambe e personal di KIA cu a brinda siguridad, guia y sosten.